Bakı. Trend:
"Qarabağ" 2016/2017-ci illər mövsümünün qış transfer pəncərəsində növbəti transferini gerçəkləşdirib.
Trend-in məlumatına görə, Ağdam klubu "İnter"dən ayrılan milli komandamızın üzvü Ağabala Ramazanovla 1.5 illik müqavilə imzalanıb.
24 yaşlı hücumçu daha əvvəl "Neftçi", "Xəzər Lənkəran", "Sumqayıt" və "İnter" klublarının formasını geyinib. 2014-cü ildən milli komandamıza dəvət alan futbolçu 1 qolla yadda qalıb.
A Ramazanov bu gün "Qarabağ"ın Antalyada baş tutan qış təlim-məşq toplanışına qoşulub.