Bakı. Tural Turan - Trend:
UEFA Superkuboku uğrunda Estoniyanın paytaxtı Tallində keçirilən “Real Madrid” - “Atletiko Madrid” görüşündə əsas və əlavə olunan vaxt başa çatıb.
Trend-in məlumatına görə, əlavə vaxtda 98-ci dəqiqədə Saul uzaqdan güclü zərbə endirərək “Atletiko”nu hesabda irəli çıxardı – 2:3.
Rəqibi əks-hücumda yaxalayan “Atletiko” 104-cü dəqiqədə Kokenin dəqiq zərbəsi nəticəsində üstünlüyünü iki qola çatdırdı – 2:4.
Beləliklə, “Atletiko Madrid” UEFA Superkubokunu qazandı.
x x x
00:54
UEFA Superkuboku uğrunda Estoniyanın paytaxtı Tallində keçirilən “Real Madrid” - “Atletiko Madrid” görüşündə əsas vaxt başa çatıb.
Trend-in məlumatına görə, ikinci taymda cərimə meydançasında Xunafran əl ilə oynadığına görə “Atletiko”nun qapısına penalti təyin olunub. Nöqtəyə yaxınlaşan kapitan Ramos penalti zərbəsini dəqiq yerinə yetirib – 2:1.
Lakin “Atletiko”nun hücumçusu Diyeqo Kostan 79-cu dəqiqədə ikinci qolunu vuraraq dubla imza atıb və hesabı bərabərləşdirib - 2:2.
Əsas vaxt heç-heçə bitib. Hər taymı 15 dəqiqə olmaqla əlavə vaxt oynanılacaq.
x x x
23:48
UEFA Superkuboku uğrunda Estoniyanın paytaxtı Tallində keçirilən “Real Madrid” - “Atletiko Madrid” görüşündə birinci taym başa çatıb.
Trend-in məlumatına görə, görüşdə hesabı “Real” müdafiəsinin kobud səhvindən yararlanan Diyeqo kosta 1-ci dəqiqədə açıb.
Ancaq “kral” klubu hesabı bərabərləşdirə bilib. Belə ki, 27-ci dəqiqədə Beylin ötürməsini hücumçu Benzema qola çevirib.