Bakı. Trend:
Amerikalı boksçu Floyd Meyvezer dekabrın 31-i Yaponiyanın Tokio şəhərində "Rizin" təşkilatı çərçivəsində MMA qarışıq döyüş növü qaydaları ilə ilk döyüşünü keçirəcək.
Trend-in məlumatına görə, bu barədə "Rizin"in xüsusi mətbuat konfransında bildirilib.
İlk döyüşdə Floyd Meyvezerin rəqibi yaponiyalı kikboksçu Tensin Naçukava olacaq. 20 yaşlı T.Naçukava MMA-də 4 döyüş keçirib və hamısında qələbə qazanıb.