...

Rusiya gimnastı: Dünya Kubokunun təşkilatçılığı yüksək səviyyədədir, hər şey məni qane edir

İdman Materials 15 Fevral 2020 17:05 (UTC +04:00)
Rusiya gimnastı Viktoriya Danilenko batut gimnastikası və tamblinq üzrə Dünya Kubokunun finalında öz proqramını mürəkkəbləşdirməyi planlaşdırır
Rusiya gimnastı: Dünya Kubokunun təşkilatçılığı yüksək səviyyədədir, hər şey məni qane edir

Trend-i buradan izləyin

Bakı. Cani Babayeva - Trend:

Rusiya gimnastı Viktoriya Danilenko batut gimnastikası və tamblinq üzrə Dünya Kubokunun finalında öz proqramını mürəkkəbləşdirməyi planlaşdırır.

Bunu Trend-ə gimnast özü deyib. O bildirib ki, təsnifat mərhələsində birinci kombinasiya alınmayıb: “İkinci cəhddə əvvəlki səhvləri düzəltməyə çalışdım. Bu gün elə də çox həyəcan hiss etmədim, amma hər kəsdə səhvlər olur. Finalda çalışacağam ki, nəzərdə tutulan hər şeyi yerinə yetirim, yəqin ki, proqramı çətinləşdirəcəyəm”.

V.Danilenko qeyd edib ki, bu, onun Bakıya ikinci səfəridir: “Təşkilatçılıq yüksək səviyyədədir, hər şey məni qane edir”.

Qeyd edək ki, bu gün Bakıda Milli Gimnastika Arenasında batut gimnastikası və tamblinq üzrə Dünya Kuboku start götürüb.

15-16 fevral tarixlərində baş tutacaq və 30 ölkənin 150-dək gimnastının mübarizə apacağı builki Kubok Tokio Olimpiya Oyunlarına lisenziya xarakterli yarış olacaq.

Azərbaycanı Dünya Kubokunda iki gimnast – Selcan Maqsudova (batut gimnastikasında fərdi hərəkətlər) və Fərid Mustafayev (tamblinq) təmsil edir.

İki gün davam edəcək yarışların ilk günü təsnifat mərhələləri, ikinci günü isə final mərhələləri keçiriləcək. Turnirdə ən yüksək icra xalını toplamış gimnastlara ənənəvi “AGF Trophy” Kuboku da təqdim olunacaq.

Məqalədə:
Xəbər lenti

Xəbər lenti