Bakı. Orxan Nəbiyev - Trend:
Məşhur ispaniyalı tennisçi Rafael Nadal koronavirusa yoluxub.
Trend-in məlumatına görə, bu barədə tennisçi öz "Twitter" səhifəsində bildirib.
O verdiyi koronavirus testinin müsbət nəticələndiyini yazıb.
Qeyd edək ki, R.Nadal dekabrın 16-19-dək Əbu-Dabidə beynəlxalq turnirdə iştirak edib.
Hazırda dünya reytinqində altıncı yerdə qərarlaşmış 35 yaşlı tennisçi 20 dəfə Böyük Dəbilqə turnirlərinin qalibi olub, iki dəfə Olimpiya çempionu adını qazanıb.