Bakı. Orxan Nəbiyev - Trend:
İngiltərənin "Arsenal" (London) futbol klubunun baş məşqçisi Mikel Arteta koronavirusa yoluxub.
Trend-in məlumatına görə, bu barədə klubun mətbuat xidməti bildirib.
Qeyd olunur ki, M.Artetanın koronavirus testi müsbət nəticələnib və o, özünütəcrid rejiminə keçib.
Baş məşqçi klubun növbəti məşqlərində və yanvarın 1-də nəzərdə tutulan "Mançester Siti" ilə matçda komandaya rəhbərlik edə bilməyəcək.
Xatırladaq ki, son bir neçə tur ərzində "omikron" ştammının yayılması ilə əlaqədar İngiltərə çempionatının 10-dan çox matçı təxirə salınıb.