Bakı. Trend:
"Qarabağ" klubu futbolçusu İbrahima Vadjinin Fransa "Sent-Etyen"inə keçidini açıqlayıb.
Trend xəbər verir ki, 27 yaşlı hücumçu əldə olunmuş razılığa əsasən Liqa-2 təmsilçisinə keçib.
Seneqallı forvard artıq yeni klubu ilə müqavilə də imzalayıb. Vadji 3 illik sözləşməyə qol çəkib.
Ötən mövsüm "Qarabağ"a transfer olmuş seneqallı futbolçu keçirdiyi 36 oyunda 20 qol vurub və 4 məhsuldar ötürmə edib.