Bakı. Trend:
İspaniyanın "Real Madrid" və İtaliyanın "Napoli" klubları UEFA Çempionlar Liqasının 1/4 final mərhələsinə vəsiqə qazanıb.
Trend-in məlumatına görə, 1/8 final mərhələsi çərçivəsində keçirilən iki görüşün cəmi nəticələrinə əsasən, Madrid klubu "Liverpul"dan olan rəqiblərini məğlub edib. İspaniyada keçirilən cavab matçı 1:0 hesabı ilə başa çatıb, Kərim Benzema 74-cü dəqiqədə fərqlənib. Bu cütdə ilk oyun 5:2 hesabı ilə "Real"ın xeyrinə başa çatıb.
“Napoli” Almaniyanın “Ayntraxt” klubundan güclü olub. 1/8 finalın Neapoldakı cavab oyununda İtaliya komandası 3:0 hesabı ilə qalib gəlib. Qolların müəllifləri Viktor Osimhen (45+2, 53-cü dəqiqə), Piotr Zelinski (64, penaltidən). Almaniyadakı ilk oyunda da "Napoli" qalib gəlib - 2:0.
Beləliklə, 1/4 finalın bütün iştirakçıları müəyyənləşib. “Real Madrid” və “Napoli”dən başqa bunlar İngiltərənin “Mançester Siti” və “Çelsi”, İtaliyanın “İnter” və “Milan”, Almaniyanın “Bavariya”, Portuqaliyanın “Benfika” klublarıdır.