Bakı. Trend:
İngiltərə millisinin futbolçusu Harri Keyn "Tottenhem"dən ayrılıb.
Trend məlumatına görə, 30 yaşlı forvard bu barədə sosial şəbəkə hesabında açıqlama yayıb.
O, Almaniyanın "Bavariya" komandası ilə 4 illik müqavilə imzalayıb.
Qeyd edək ki, London klubunun yetirməsi olan Harri Keyn müxtəlif vaxtlarda ölkəsinin "Leyton Orient", "Milluoll", "Norviç" və "Lester" komandalarında da çıxış edib. O, son 10 ili "Tottenhem"in əsas komandasında keçirib.