Bakı. Trend:
UEFA Çempionlar Liqasının qrup mərhələsində V turun növbəti oyunları keçirilib.
Trend-in məlumatına görə, A qrupunda mübarizə aparan "Qalatasaray" Türkiyədə İngiltərənin "Mançester Yunayted" komandasını qəbul edib. "Rams Park" stadionunda keçirilən görüş heç-heçə ilə başa çatıb - 3:3.
Qolları meydan sahiblərinin heyətində Hakim Ziyex (29-cu dəqiqə, 62-ci dəqiqə), M.K.Aktürkoğlu (71-ci dəqiqə) vurublar. "Mançester Yunayted"in heyətində A.Qarnaço (11), B.Fernandeş (18), S.Maktominey (55) fərqləniblər.
Bu nəticədən sonra xallarını 5-ə çatdıran "Qalatasaray" qrupda ikinci yerə yüksəlib. 4 xalı olan "Mançester Yunayted" isə qrupda sonuncu yerdədi.