Bakı. Trend:
Bu gün Paris-2024 Yay Olimpiya Oyunlarında güllə atıcılığı yarışlarına start verilib.
Trend İdman.biz-ə istinadən xəbər verir ki, Azərbaycan yığmasının snayperi Ruslan Lunyov da mübarizəyə qoşulub.
Təmsilçimiz pnevmatik tapança ilə 10 m məsafədən atəş açıb. 571 xal toplayan Lunyov mərhələni 24-cü yerdə tamamlayıb.
O, sabah mükafatlar uğrunda yarışacaq “səkkizliy”ə düşə bilməyib. Bu növdə mübarizəni dayandıran Ruslan 25 m məsafədən atəşaçmada da dəqiqliyini sınayacaq.
Qeyd edək ki, bu proqramda final mərhələsi sabah Bakı vaxtı ilə saat 11:30-da başlayacaq.