Bakı. Trend:
Florentino Perez İspaniyanın "Real Madrid" futbol klubunun prezidenti vəzifəsinə yenidən seçilib.
Trend xəbər verir ki, bu barədə klubun mətbuat xidməti məlumat yayıb.
Peres seçkilərdə yeganə namizəd olub və 2029-cu ilə qədər bu vəzifədə qalacaq.
77 yaşlı Perez ilk dəfə 2000-ci ildə "Real Madrid"in prezidenti seçilib və bu vəzifəni altı il icra edib. O, 2009-cu ildə yenidən heç bir rəqibsiz prezidentliyə seçilib. Onun rəhbərliyi altında "Real Madrid" klubu böyük nailiyyətlərə imza atıb:
7 dəfə UEFA Çempionlar Liqasının qalibi;
7 dəfə İspaniya çempionatı və Superkubokunun qalibi;
6 dəfə UEFA Superkubokunun qalibi;
5 dəfə Klublararası Dünya Çempionatının qalibi;
3 dəfə İspaniya Kuboku və 1 dəfə Qitələrarası Kubokun qalibi.
Florentino Perezin rəhbərliyi altında klub həm idman, həm də
maliyyə sahəsində böyük uğurlar əldə edib.