Bakı. Trend:
“Şamaxı” komandası futbolçusu Emin Zamanov ilə yollarını ayırıb.
Klubdan Trend-ə verilən məlumata görə, yarımmüdafiəçi ilə müqaviləyə qarşılıqlı razılaşma əsasında xitam verilib.
2023-cü ilin yanvarından bölgə təmsilçisində çıxış edən E.Zamanov ötən mövsüm komandanın heyətində I Liqa çempionluğu yaşayıb. O, “Şamaxı” forması ilə ümumilikdə 18 qola imza atıb.