Bakı. Trend:
Portuqaliyanın "Oliveyrense" klubunun 19 yaşlı hücumçusu İvan Martins yol qəzası nəticəsində həyatını itirib.
Trend xəbər verir ki, Martins Qondomar qəsəbəsindəki Kovelo tunelinin yaxınlığında sürüşən avtomobili idarə edirdi.
Hadisə səhər saat 8:00-da baş verib və dərhal təcili yardım briqadası hadisə yerinə gəlib, lakin gənc futbolçunun həyatını xilas etmək mümkün olmayıb.
Martins 2024-cü ildən Portuqaliya çempionatının ikinci güclü divizionunda çıxış edən "Oliveyrense" klubunun üzvü idi. O, əvvəllər İsveçrənin “Yanq Boyz” klubunun gənc oyunçusu olub.