Bakı. Trend:
21 yaşadək futbolçular arasında keçirilən Avropa çempionatının qrup mərhələsi yekunlaşıb.
Trend xəbər verir ki, Slovakiyanın ev sahibliyi etdiyi turnirdə ciddi sürpriz qeydə alınmayıb. Favorit komandalar qrup mərhələsində gözlənildiyi kimi uğurlu çıxış edərək növbəti mərhələyə – pley-offa vəsiqə qazanıblar.
1/4 finalda maraqlı qarşılaşmalar gözlənilir. İspaniya yığması son çempion İngiltərə ilə, Almaniya güclü İtaliya ilə, Portuqaliya Niderland ilə, Fransa isə Danimarka ilə qarşılaşacaq.
Qeyd edək ki, pley-off matçları iyunun 21-də və 22-də keçiriləcək.