Bakı. Trend:
Yaponiyanın şimalındakı Hokkaydo adasının şimal-şərqində Sakit okeanın dərinliklərində 6,1 bal gücündə zəlzələ qeydə alınıb.
Trend xəbər verir ki, bu barədə Yaponiya Meteorologiya İdarəsi məlumat yayıb.
Zəlzələ Hokkaydonun geniş ərazilərində hiss olunub. Hadisə nəticəsində hər hansı tələfat və ya dağıntı qeydə alınmayıb, nəqliyyat isə adi rejimdə fəaliyyətini davam etdirir. Sunami təhlükəsi olmadığı bildirilib.