Bakı. Trend:
AFFA-nın təşkilatçılığı və UEFA-nın dəstəyi ilə keçirilən “D” kateqoriyalı məşqçi kursları başlayıb.
Trend xəbər verir ki, kurs AFFA-nın Təhsil və Reabilitasiya Mərkəzində təşkil olunub və 30 nəfər iştirakçı cəlb olunub. AFFA-nın Kütləvi Futbol Departamentinin rəhbəri Fərrux İsmayılov və aparıcı mütəxəssis Orxan Mikayıllı kurs iştirakçılarına kursun mahiyyəti barədə ümumi məlumat verərək onlara uğurlar arzulayıblar.
Kursun ilk günündə AFFA-nın məşqçi kurslarının təlimatçısı İlham Əzizzadə və Fərrux İsmayılov iştirakçılara ilkin futbol bilikləri barədə geniş məlumat təqdim ediblər.
Qeyd edək ki, “D” kateqoriyalı məşqçi kursu 3 gün davam edəcək.