Bakı. Trend:
Klublararası dünya çempionatının H qrupunda İspaniyanın "Real Madrid" və Səudiyyə Ərəbistanının "Əl-Hilal" komandaları qarşılaşıb.
Trend xəbər verir ki, Mayamidə (Florida, ABŞ) keçirilən oyun 1:1 hesabı ilə başa çatıb.
Madrid təmsilçisinin heyətində Qonsalo Qarsiya, "Əl-Hilal"ın heyətində isə Ruben Neveş fərqlənib. Oyun dramatik anlarla yadda qalıb – "Real Madrid"in futbolçusu Federiko Valverde matçın son dəqiqələrində təyin olunan 11 metrlik cərimə zərbəsindən yararlana bilməyib.
Qeyd edək ki, H qrupunda bu iki klubla yanaşı, "Paçuka" (Meksika) və "Red Bull Zalsburq" (Avstriya) da mübarizə aparır.
XXX
23:00
"Mançester Siti" klublararası dünya çempionatında ilk oyununu keçirib.
Trend xəbər verir ki, G qrupunda yer alan "şəhərlilər" Mərakeşin "Vidad Ksasblanka" komandası ilə qarşılaşıblar.
Oyuna sürətli başlayan ingilislər artıq 2-ci dəqiqədə hesabı açıb. Fərqlənən futbolçu Fil Foden olub. Birinci hissənin sonlarına doğru "Vidad"ın oyunçusu Ceremi Doku ikinci qolunu vurub. Lakin "Mançester Siti" sonadək üstünlüyünü qoruyaraq matçı 2:0 hesabı ilə qazanıb.
Qeyd edək ki, qrupun digər oyununda İtaliyanın "Yuventus" komandası BƏƏ-nin "Əl-Ayn" komandası ilə qarşılaşacaq.