Bakı. Trend:
"Qalatasaray" futbol klubu "Trabzonspor"un qapıçısı Uğurcan Çakırın transferini reallaşdırmaq üzrədir.
Trend-in məlumatına görə, artıq iki klub futbolçu ilə bağlı razılığa gəlib.
Məlumata əsasən, "Trabzonspor" Çakır üçün 25 milyon avro tələb edib və "Qalatasaray" bu məbləği ödəməyi qəbul edib.
Hazırda Türkiyə millisinin düşərgəsində olan qolkiperin yaxın günlərdə "sarı-qırmızılılar" üçün tibbi müayinədən keçəcəyi gözlənilir.