Bakı. Trend:
UEFA Çempionlar Liqasında pley-off mərhələsinin cavab oyunlarından sonra həftənin ən yaxşı futbolçuları məlum olub.
Trend xarici KİV-ə istinadən xəbər verir ki, "Atletiko"nun hücumçusu Aleksandr Sorlot səsvermədə bütün rəqiblərini qabaqlayaraq həftənin oyunçusu seçilib.
Xatırladaq ki, norveçli forvard "Brügge" ilə matçda (4:1) het-trik edərək komandasının 1/8 finala yüksəlməsində əsas pay sahibi olub.
İkinci pillədə Kasper Hoq ("Bodo/Qlimt"), üçüncü yerdə Aurelien Tçaumeni ("Real") və dördüncü pillədə isə Viktor Osimhen ("Qalatasaray") qərarlaşıb.
Qeyd edək ki, qalib gələn futbolçular UEFA-nın rəsmi saytında azarkeşlər arasında keçirilən səsvermə nəticəsində müəyyənləşib.