Bakı. Trend:
"Azərbaycan Sənaye Sığorta" ASC və Avropada №"1 Oftalmoloji göz klinikası olan "Dünya Göz Azəbaycan”nın birgə təşkilaştılığı ilə “Dünyanı aydın və gözəl görək!” şüarı altında aksiya keçirilib.
Trend-in məlumatına görə, 15 sentyabr bilik günü ərəfəsində 4 Nömrəli Respublika Xüsusi İnternat məktəbində keçirilən aksiyanın məqsədi sağlamlıq imkanları məhdud valideyn himayəsindən məhrum olmuş olan uşaqlarda göz xəstəliklərinin profilaktikasının aparılması, onların hərtərəfli müayinəsinin təşkilini təmin etməkdir.
Aksiyada sağlamlıq imkanları məhdud olan uşaqlar "Dünya Göz Azəbaycan”nın həkimləri tərəfindən pulsuz müayinə olunub. uşaqlarda görmə qabiliyyəti, göz şişginliyi, sulanması, çəpgözlük, katoraktal virus infeksiyaları və.s yoxlamalardan keçirilib.
Sonda uşaqlarla xatirə şəkili çəkilib.