...

Ölkədə ilk dəfə qənnadı sektoru üçün yağ və süd məhsullarından istifadə ilə bağlı seminar təşkil olundu

İqtisadiyyat Materials 15 Noyabr 2018 11:25 (UTC +04:00)
Ölkənin ən nüfuzlu şirkətlərindən olan “Veysəloğlu” Şirkətlər Qrupunun nümayəndəsi “Vesta Horeka” MMC öz partnyoru “EFKO” Şirkətlər Qrupu ilə birlikdə respublikada fəaliyyət göstərən qənnadı və şirniyyat müəssisələri üçün ilk dəfə olaraq yağ və süd məhsullarından istifadə barəsində seminar təşkil edib.
Ölkədə ilk dəfə qənnadı sektoru üçün yağ və süd məhsullarından istifadə ilə bağlı seminar təşkil olundu

Bakı. Trend:

Ölkənin ən nüfuzlu şirkətlərindən olan “Veysəloğlu” Şirkətlər Qrupunun nümayəndəsi “Vesta Horeka” MMC öz partnyoru “EFKO” Şirkətlər Qrupu ilə birlikdə respublikada fəaliyyət göstərən qənnadı və şirniyyat müəssisələri üçün ilk dəfə olaraq yağ və süd məhsullarından istifadə barəsində seminar təşkil edib.

“EFKO” şirkətinin qida qatqılarının assortiment və tətbiq imkanları” adlı seminarına onlarla sex, fabrik və şirniyyat evlərinin nümayəndələri qoşulub.

Tədbiri açıq elan edən “Vesta Horeka” MMC-nin ARGE (Araşdırma və genişləndirmə) və İdxalat üzrə şöbə müdiri Sevda Hacıyeva bilidirib ki, bu seminarı təşkil etməkdə məqsəd yerli bazarda etibarlı yağ məhsulunun tanıtımını təşkil etmək, dolayısı ilə insanlara daha keyfiyyətli və ləzzətli qənnadı məhsulları təqdim etməyə yardımçı olmaqdır. “Bu gün Avrasiya iqtisadi zonasında ən böyük günəbaxan yağı istehsalçısı, həmçinin Rusiyanın qida sənayesinin ilk üçlüyündən biri olan “EFKO” Şirkətlər Qrupu qısa müddət ərzində Azərbaycanda yağ bazarında 50% paya malik olmağı bacarıb. Bu isə o deməkdir ki, həm EFKO, həm də EFKO-nun rəsmi nümayəndəsi Vesta Horeka ilk növbədə keyfiyyətə və ekoloji baxımdan təhlükəsizliyə üstünlük verir” – deyə, yerli nümayəndə qeyd edib.

Ardınca çıxış edən “EFKO” Şirkətlər Qrupunun nümayəndəsi Alyona Surkova şirkətin sertifakasiya sistemindən bəhs edərkən bildirib ki, EFKO bir qida müəssisəsi olaraq tələb olunan bütün sertfikatlara - İSO 9001-2011, İSO 9001:2008, IFS Food, BRC Global, Kosher, Sedex və s. - malik olmaqla yanaşı, o, məhsul ixrac etdiyi müsəlman ölkələrini də nəzərə alaraq 2015-ci ildə Halal sertfikatını qazanıb və istehsalat prosesini bütün sertifikatların tələblərin uyğun aparmaqdadır.

Daha sonra tədbir iştirakçılarına “Yağ hasilatının təhlükəsizliyi və keyfiyyət göstəricilərinin yoxlanılması metodları”, “Şirniyyat, süd və süd məhsullarının istehsalında qlobal tendensiyalar” kimi mövzularda təqdimatlar göstərilib, seminarın interaktiv şəkildə keçirilməsi təmin olunub.

O da qeyd olunmalıdır ki, tədbirə ev sahibliyi edən “Vesta Horeka” MMC mütəmadi olaraq yerli sahibkarlar üçün “EFKO” fabrikini və fabrikdə istehsal prosesini yaxından görmək üçün fabrikin yerləşdiyi Alekseyevka şəhəri - EFKO fabrikinə səfərlər təşkil edir.

Məqalədə:
Xəbər lenti

Xəbər lenti