Bakı. Trend:
Yanvarın 31-də Bakıda Azərbaycan-Almaniya yüksək səviyyəli İşçi Qrupunun 8-ci iclası keçiriləcək.
İqtisadiyyat Nazirliyindən Trend-ə verilən məlumata görə, iclasda Azərbaycan və Almaniya arasında iqtisadi-ticarət əlaqələrinin mövcud vəziyyəti, İşçi Qrupunun 7-ci iclasından ötən dövrdə görülmüş işlər, qarşıdakı dövr üçün iqtisadi sahədə əməkdaşlığın genişləndirilməsi və digər məsələlər müzakirə olunacaq.
Qeyd edək ki, növbəlilik prinsipi ilə hər iki ölkədə keçirilən İşçi Qrupunun sonuncu - 7-ci iclası 2017-ci ilin noyabrında Almaniyanın paytaxtı Berlində keçirilib.