Bakı. Trend:
Bank VTB (Azərbaycan) xarici valyutada olan kreditlər üzrə kompensasiya ödənişinə şənbə günü 27 aprel 2019-cu il tarixində davam edəcək. Bankdan Trend-ə verilən məlumata görə, müştərilər 500 AZN-dək olan kompensasiyanı Cavadxan küç. 30A ünvanında yerləşən “Əcəmi” filialında əldə edə bilər. Şənbə günləri filialın iş rejimi: saat 10.00-dan 15.50-ə qədərdir.
Kompensasiya ödənişi 500 AZN-dən yuxarı, eləcə də kreditinin Restrukturizasiya olunmasını gözləyən müştərilərə isə SMS və ya Zəng vasitəsi ilə banka nə zaman gələcəkləri barədə məlumat veriləcək.
Bank VTB (Azərbaycan)-ın satış, şəbəkənin inkişafı və müştərilərə xidmət idarəsinin rəisi Pərviz Rəsulov bildirib ki, Prezident İlham Əliyevin “Fiziki şəxslərin problemli kreditlərinin həlli ilə bağlı əlavə tədbirlər haqqında” fərmanının icrası çərçivəsində bank gücləndirilmiş rejimdə müştərilərə kompensasiya üzrə ödənişləri həyata keçirir:
"Müştərilərin rahatlığı üçün şənbə günü “Əcəmi” filialında əməkdaşların sayı artırılacaq, bu da bankın müştərilərinə operativ şəkildə xidmət göstərməyə imkan verəcək”.