...

Abşeron və Şəmkirdə heyvan kəsimi məntəqələrində dezinfeksiya işləri yekunlaşıb (FOTO)

İqtisadiyyat Materials 15 Avqust 2019 09:28 (UTC +04:00)
Qurban bayramı ilə əlaqədar paytaxt və bölgələrdə qurbanlıq heyvanların satışına icazə verilmiş yerlərdə dezinfeksiya tədbirinə başlanılıb.
Abşeron və Şəmkirdə heyvan kəsimi məntəqələrində dezinfeksiya işləri yekunlaşıb (FOTO)

Bakı. Elçin Mehdiyev - Trend:

Kənd Təsərrüfatı Nazirliyi yanında Aqrar Xidmətlər Agentliyinin mütəxəssisləri tərəfindən bu gün səhər saatlarından etibarən Qurban bayramı ilə əlaqədar paytaxt və bölgələrdə qurbanlıq heyvanların satışına icazə verilmiş yerlərdə dezinfeksiya tədbirinə başlanılıb.

Kənd Təsərrüfatı Nazirliyindən Trend-ə bildirilib ki, artıq Abşeron rayonunda 5, Şəmkir rayonunda müvafiq qurumlar tərəfindən müəyyən edilmiş diri heyvanların satışının və kəsiminin aparıldığı 2 yerdə ödənişsiz əsaslarla dezinfeksiyası tədbirləri yekunlaşıb.

İnfeksion və invazion xəstəliklərin qarşısının alınması məqsədlə aparılan dezinfeksiya işində kimyəvi məhlullar əraziyə xüsusi maşınlarla güclü axın şəklində səpilib, eləcə də mexaniki dezinfeksiyaedici qurğulardan istifadə edilməklə aparılıb.

Obyektlər dezinfeksiya tədbirlərindən sonra təsərrüfat sahiblərinin istifadəsinə verilib, bununla da heyvan satışı üçün ərazilərin baytarlıq-sanitariya cəhətdən yararlığı təmin olunub.

Qeyd edək ki, bu tədbir digər rayon və şəhərlərdə ardıcıl şəkildə davam etdirilir. Tədbirin avqustun 16-da yekunlaşması nəzərdə tutulur.

Məqalədə:
Xəbər lenti

Xəbər lenti