Bakı. Orxan Nəbiyev - Trend:
Neft hasilatının bərpası ilə bağlı OPEC+ sazişindən sonra neft qiymətləri bir barel üçün 68-75 dollar diapazonunda qalacaq.
Trend-in məlumatına görə, bunu Rusiyanın "Lukoyl" şirkətinin prezidenti Vahid Ələkbərov deyib.
O bildirib ki, hazırda neft istehlakı sabitdir və artmaqda davam edir: "Artım Rusiyada olduğu kimi, Avropa və Amerikada, xüsusilə də Çində müşahidə olunur"
V.Ələkbərov əlavə edib ki, "Lukoyl" OPEC+un hasilatın bərpası və sazişin 2022-ci ilin sonuna kimi uzadılması qərarını dəstəkləyir.