...

Beynəlxalq Maliyyə Korporasiyası Azərbaycana qoyduğu investisiyanın həcmini açıqladı

İqtisadiyyat Materials 23 Oktyabr 2021 09:03 (UTC +04:00)
Beynəlxalq Maliyyə Korporasiyası Azərbaycana qoyduğu investisiyanın həcmini açıqladı

Trend-i buradan izləyin

Bakı.Ləman Zeynalova - Trend:

Beynəlxalq Maliyyə Korporasiyası (IFC) 1995-ci ildən bu günədək Azərbaycana 500 milyon dollara yaxın investisiya qoyub.

Bunu Trend-ə IFC-nin Cənubi Qafqaz üzrə regional meneceri İvana Fernandes Duarte deyib.

O bildirib ki, bu vəsaitlər müxtəlif sahələrdə, o cümlədən maliyyə xidmətləri, eləcə də infrastruktur və istehsal layihələrinin maliyyələşdirilməsinə yönəlib:

"Eyni zamanda IFC ticarət maliyyələşdirməsi proqramı çərçivəsində 100 milyon dollara yaxın vəsait ayırıb və Bakı-Tbilisi-Ceyhan boru kəməri layihəsi üçün 250 milyon dollar təqdim edib".

İ.Duarte qeyd edib ki, son bir neçə il ərzində IFC-nin səyləri Azərbaycanda maliyyə infrastrukturu üzrə məsləhət işlərinə, eləcə də investisiyaların təşviqi strategiyası üzrə qanunvericilik bazasının yaradılmasına yönəlib:

"IFC-nin Azərbaycandakı işi xüsusən, kiçik biznes, kənd təsərrüfatı, qida məhsullarının təhlükəsizliyi, turizm kimi sahələrdə qanunverici və normativ təşəbbüslərin dəstəklənməsini əhatə edir".

(Tərcümə: Ləman Zeynalova)

Məqalədə:
Xəbər lenti

Xəbər lenti