...

Azərbaycan 350 milyon dollar avrobondu vaxtından əvvəl geri alıb

İqtisadiyyat Materials 9 Dekabr 2022 18:36 (UTC +04:00)
Azərbaycan 350 milyon dollar avrobondu vaxtından əvvəl geri alıb

Bakı. Trend:

2022-ci il noyabrın 30-dan dekabrın 12-dək Maliyyə Nazirliyi yanında Dövlət Borcunun və Maliyyə Öhdəliklərinin İdarə Edilməsi Agentliyi tərəfindən beynəlxalq maliyyə bazarlarında ticarət olunan və 2024-cü ildə geri qaytarılması nəzərdə tutulan 1 milyard 250 milyon ABŞ dolları məbləğində Azərbaycan Respublikasının xarici valyuta nominallı dövlət istiqrazlarının (avrobond) 350 milyon dolları həcmində olan hissəsi vaxtından əvvəl geri alınması əqdi başa çatdırılıb.

Bu barədə Trend-ə Maliyyə Nazirliyindən bildirilib.

Qeyd edilib ki, 350 milyon dollar məbləğində xarici valyutada ifadə olunmuş istiqrazlar nominal dəyərindən aşağı qiymətə alınıb.

Avrobondların geri alınması əqdi Azərbaycan Respublikası Prezidentinin təsdiq etdiyi “Azərbaycan Respublikasında dövlət borcunun idarə edilməsinə dair orta və uzun müddət üçün Strategiya”da qarşıya qoyulan hədəflərə – xarici valyutada ifadə olunmuş borcun ümumi borc portfelində xüsusi çəkisinin azaldılmasını və müvafiq olaraq milli valyutada ifadə olunmuş borcun artırılması hədəfinin reallaşdırılması istiqamətində atılan addımdır.

Məqalədə:
Xəbər lenti

Xəbər lenti