...

İşsizlikdən Sığorta Fondunun sərbəst vəsaitləri investisiya kimi istifadə oluna biləcək

İqtisadiyyat Materials 3 Fevral 2023 11:01 (UTC +04:00)
İşsizlikdən Sığorta Fondunun sərbəst vəsaitləri investisiya kimi istifadə oluna biləcək
Elçin Mehdiyev
Elçin Mehdiyev
Bütün xəbərlər

Bakı. Trend:

İşsizlikdən Sığorta Fondunun sərbəst vəsaitləri investisiya kimi istifadə oluna biləcək.

Trend-in məlumatına görə, bununla bağlı “İşsizlikdən sığorta haqqında” qanuna dəyişiklik təklif edilir.

Qanuna yeni bənd əlavə edilir. Yeni bənddə qeyd edilir ki, müvafiq icra hakimiyyəti orqanının müəyyən etdiyi orqan (qurum) işsizlikdən sığorta fondunun sərbəst vəsaitlərini investisiyaya yönəldə bilər. İnvestisiyaya yönəldilən sərbəst vəsait, investisiya gəlirləri və onun istifadə olunmamış qalığı Azərbaycan Respublikasının Mərkəzi Bankında açılmış hesaba toplanır və onların uçotu ayrıca aparılır. İnvestisiyaya yönəldilən sərbəst vəsait, investisiya gəlirləri və onun istifadə olunmamış qalığı növbəti büdcə ilinə sərbəst vəsaitin investisiyaya yönəldilən hissəsi kimi keçirilir.

İşsizlikdən sığorta fondunun sərbəst vəsaitinin investisiyaya yönəldilməsi və investisiya gəlirlərindən istifadə edilməsi qaydasını müvafiq icra hakimiyyəti orqanının müəyyən etdiyi orqan (qurum) müəyyən edir.

Qeyd edək ki, 2023-cü ildə İşsizlikdən Sığorta Fondunun gəlirləri 212,7 mln. manat nəzərdə tutulub ki, bu da Fondun 2021-ci ilin icra göstəricisindən 8,0%, 2022-ci il üçün təsdiq edilmiş proqnoz göstəricisi ilə müqayisədə isə 17,3% çoxdur.

Fondun növbəti ildə gəlirlərinin 75,0%-i işsizlikdən sığorta haqqının, 24,9%-i əvvəlki ilin sonuna işsizlikdən sığorta fondunun istifadə olunmamış vəsaitinin, 0,1%-i isə sair gəlirlərin hesabına formalaşacaq.

Məqalədə:
Xəbər lenti

Xəbər lenti