Bakı. Trend:
Litva Azərbaycana kənd təsərrüfatı sahəsində aparıcı texnologiyaların tətbiqində köməklik göstərməyə çalışır.
Trend-in məlumatına görə, bu barədə Litvanın Kənd Təsərrüfatı Nazirliyi yanında Dövlət Bitki Xidmətinin rəhbəri Sergejus Fedotovas "Azərbaycanda sanitar və fitosanitar tədbirlərin gücləndirilməsi" tvininq layihəsinin yekunlarına həsr edilmiş konfransda deyib.
O, Litvanın da vaxtilə kənd təsərrüfatının yaxşılaşdırılması proqramında iştirak etdiyini və indi bu sahə üzrə təcrübəsini Azərbaycanla bölüşməyə hazır olduğunu qeyd edib.
"Azərbaycanla əməkdaşlığımız hamı üçün çətin zamanda, COVID-19 epidemiyasının qızğın çağlarında başlayıb, lakin biz çətinliklərə baxmayaraq, nəticələr əldə etdik və bu proqramı tamamladıq", - S.Fedotovas əlavə edib.