...

Mərkəzi Bank faiz dərəcələrini dəyişəcək? - Proqnoz

İqtisadiyyat Materials 1 May 2023 13:00 (UTC +04:00)
Mərkəzi Bank faiz dərəcələrini dəyişəcək? - Proqnoz
Sədrəddin Ağcayev
Sədrəddin Ağcayev
Bütün xəbərlər

Bakı. Trend:

Azərbaycan Mərkəzi Bankının (AMB) mayın 3-də keçiriləcək iclasın yekunlarına görə təkrar maliyyələşdirmə dərəcəsini 8,75 faiz səviyyəsində saxlayacağı proqnozlaşdırılır.

Bu barədə Trend-ə "Gazprombank"ın Bazar konyunkturunun təhlili departamentinin rəis müavini Gulnara Haydarşina deyib.

Onun fikrincə, bu qərarın lehinə olan arqumentlər arasında xarici inflyasiya təzyiqinin zəifləməsi sayəsində inflyasiyanın ləngiməyə doğru dönüşü, əhalinin depozitlərinin dollarlaşmasının stabil səviyyəsi, həmçinin pul kütləsinin artımının dayanması yer alır.

"İqtisadiyyatda inflyasiya risklərinin qaldığını nəzərə alaraq press-relizin faiz dərəcələrinin azalmasına mümkün keçidi qeyd etmədən ehtiyatlı tərzdə dərc olunacağını gözləyirik. Ehtimal edirik ki, faiz dərəcələrinin artım tsiklinin dayanması üçün şərait artıq formalaşıb", - o deyib.

Xatırladaq ki, AMB martın 29-da təkrar uçot dərəcəsini 0,25 bazis bəndi qaldıraraq 8,75 faizə çatdırmaq qərarı qəbul edib. Faiz dəhlizinin yuxarı həddi 9,5 faizdən 9,75 faizə, aşağı həddi isə 6,75 faizdən 7 faizə çatdırılıb. Uçot dərəcəsi ilə bağlı növbəti iclas mayın 3-də keçiriləcək.

(Tərcümə: Rəna Əbdürəhmanova)

Məqalədə:
Xəbər lenti

Xəbər lenti