Bakı. Trend:
Beynəlxalq reytinq agentliyi "Fitch" ABŞ-ın uzunmüddətli kredit reytinqini "AAA"dan "AA+"a endirib və proqnozu mənfidən sabitə dəyişib.
Trend xəbər verir ki, bu barədə reytinq agentliyinin məlumatında deyilir.
Beləliklə, ABŞ-ın kredit reytinqi son 12 ildə ilk dəfə olaraq aşağı salınıb.
Məsələ ilə bağlı verdiyi yazılı açıqlamada ABŞ-ın maliyyə naziri Canet Yellen "Fitch"in qərarı ilə qəti şəkildə razılaşmadığını bildirib.
"Fitch"in qərarı amerikalıların, sərmayəçilərin və dünyadakı insanların onsuz da bildiklərini dəyişmir", - deyə C.Yellen bildirib.
Qeyd edək ki, ABŞ-ın kredit reytinqi sonuncu dəfə 2011-ci ildə başqa bir reytinq agentliyi olan "Standard & Poor's" tərəfindən aşağı salınmışdı.