Bakı. Trend:
Horadiz-Ağbənd layihəsinin 45 faizi yerinə yetirilib
Trend xəbər verir ki, bunu “Azərbaycan Dəmir Yolları” QSC-nin (ADY) sədri Rövşən Rüstəmov Ulu Öndər Heydər Əliyevin anım günü ilə bağlı Fəxri Xiyabanı ziyarət edərkən jurnalistlərə açıqlamasında deyib.
Onun sözlərinə görə, layihənin tam yekunlaşdırılması 2025-ci ildə nəzərdə tutulur.
"Hazırda işlər sürətlə davam etdirilir. 73-cü km-ə qədər dəmir yolu xətti çəkilib, birinci tunelin qazıntı işləri həyata keçirilir", - deyə o, əlavə edib.
O bildirib ki, qalan son işlər Təzəkənd, Köçərli və Bərdə stansiyaları ilə bağlıdır:
“Hazırda onların da tikintisi həyata keçirilir. Yaxın vaxtlarda tikinti işləri yekunlaşacaq. Ağdam avtovağzal və dəmir yolu komplekslərinin də tikintisinə başlanılması üçün layihə razılaşdırılma işləri həyata keçirilir".