Bakı. Trend:
Bank sektorunun likvidliyi komfort zonada qalmaqda davam edir.
Bu barədə Trend Mərkəzi Banka istinadən xəbər verir.
Bildirilib ki, sektorun likvidlik mövqeyi yeni monetar çərçivə və prudenisal alətlərin tətbiqi çərçivəsinə uyğunlaşıb: "Bütün banklar məcmu və xarici valyuta üzrə müəyyən olunmuş likvidliyin örtülmə əmsalı (LCR) normativini üstələmişdir. Sektorun ani likvidlik əmsalı 52% olmaqla minimum normativi 22 faiz bəndi üstələyir".
"Sektorun aktivlərinin 27%-ni likvid vəsaitlərin təşkil etməsi, o cümlədən, məcburi ehtiyatların artması sektorun potensial likvidlik şoklarına qarşı adekvat buferə malik olmasına imkan yaradır", - məlumatda vurğulanıb.