Bakı. Trend:
ABŞ nümayəndə heyətinin Azərbaycana səfəri zamanı 8 milyard dollardan çox dəyərində kommersiya müqavilələri imzalanıb.
Trend-in çərşənbə axşamı verdiyi məlumata görə, bunu ABŞ Dövlət Katibinin İqtisadiyyat, Enerji və Biznes Məsələləri üzrə köməkçisi Kaleb Orr Bakıda keçirilən Birinci Azərbaycan-ABŞ İqtisadi Dialoqu çərçivəsində keçirilən mətbuat brifinqində bildirib.
"Mərasim zamanı Amerika özəl sektoru ilə SOCAR arasında çoxlu sayda kommersiya müqavilələrinin imzalanmasının, eləcə də bu gün İqtisadiyyat Nazirliyində imzalanan əlavə kommersiya müqavilələrinin şahidi olmaq çox məmnunedici idi. Hesab edirəm ki, təkcə bu səfər zamanı imzalanan kommersiya müqavilələrinin ümumi dəyəri 8 milyard dolları keçib", - Orr bildirib.
