Azərbaycan, Bakı / Trend / Azərbaycan Dövlət Gömrük Komitəsi Tovuz Gömrük İdarəsi və Astara rayonunun Gömrük İdarəsinin analoji obyekti olan "Sınıqkörpü" sərhəd gömrük-buraxılış məntəqəsinin kompleks tikintisi üçün keçirilən tenderin qalibini elan edib.
Tender komissiyasından verilən məlumata görə, obyektin tikintisi üzrə tenderin qalibi "As.Tikinti" və "Avanqard-MM" olub.
Qalib şirkətlər layihə-smeta sənədlərini hazırlamalı və məntəqənin kompleks tikintisi üçün lazım olan istiqamətverici tikinti işləri aparmalıdırlar.
Kompleks tikintiyə məntəqədə yeni işçi pavilyonları, çardaq, baxış sahələri və baxış çuxurlarının bütün standartlara cavab verən avadanlıqla təchiz edilməsi və tikintisi daxildir.
Tikinti işləri 2008-ci ilin 4-cü rübündə başa çatdırılmalıdır.
