...

Gürcüstan Azərbaycana olan borcun vaxtından əvvəl ödənilməsini təklif edib

Biznes və iqtisadiyyat xəbərləri Materials 29 Sentyabr 2007 14:50 (UTC +04:00)

Azərbaycan , Bakı/ Trend , müxbir İ.Xəlilova/ Gürcüstanın Maliyyə Nazirliyi Azərbaycana olan 16 189 573 dollar məbləğində mövcud borcun güzəştlə vaxtından əvvəl birdəfəlik ödənilməsi təklifi ilə çıxış edib. Bu barədə şənbə günü Azərbaycan hökumətindən məlumat verilib.

Gürcüstanın Azərbaycan qarşısındakı borcunun ödənilməsi barədə 2007-ci ilin fevral ayında qüvvəyə minən hökumətlərarası razılaşmaya əsasən, bu borcun tamamilə ödənilməsi 2025-ci ildə başa çatmalıdır. Əsas borc və hesablanmış faizlər nəzərə alınmaqla, Gürcüstan Azərbaycana 22 mln. dollar ödəməlidir.

Borcun ödənilməsi restruktruzasiya qrafiki əsasında, pul vəsaitləri ilə həyata keçiriləcək. Borc 1992-1994-cü illərdə dövlət müəssisələri arasında təsərrüfat əməliyyatları nəticəsində yaranıb.

Gürcüstanın Azərbaycan qarşısındakı borcunun restruktruzasiyası barədə hökumətlərarası razılaşma 17 avqust 2006-cı ildə Batumidə imzalanıb. Razılaşmaya əsasən, borcun ödənilməsi üç mərhələdə həyata keçiriləcək. Birinci mərhələdə 2006-cı ilin sonuna qədər 2,7 mln. dollar vəsaitin qaytarılması nəzərdə tutulub ki, bu da artıq həyata keçirilib. Ikinci mərhələdə, Gürcüstan 2007-2021-ci illərdə 3,239 mln. dollar ödənilməlidir. Borcun üçüncü hissəsinin ödənilməsi isə, 2010-cu ildən başlayaraq ,2025-ci ildə başa çatmalıdır.

Borc üzrə illik faiz dərəcəsi 3 faizdir.

Xəbər lenti

Xəbər lenti