...

Azərbaycan və Moskva arasında hökumətlərarası komissiyanın iclasının vaxtı müəyyən olunub

Biznes və iqtisadiyyat xəbərləri Materials 1 Oktyabr 2007 19:25 (UTC +04:00)

Azərbaycan, Bakı/ Trend , müxbir İ.X / Azərbaycanada keçirilən Moskva Günləri ilə əlaqədar, oktyabrın 4-də Bakıda Iqtisadi Əməkdaşlıq üzrə Azərbaycan-Moskva hökumətlərarası komissiyanın iclasının keçirilməsi planlaşdırılır. Bu barədə bazar ertəsi Nazirlər Kabinetindən məlumat verilib.

Moskva nümayəndə heyətinə Moskva merinin birinci müavini, paytaxtın sosial sahə kompleksinin rəhbəri Lyüdmila Şvetsova rəhbərlik edəcək. Nümayəndə heyətinin tərkibində Moskvanın biznes-iqtisadiyyat sahələrinin nümayəndələri təmsil olunacaq.

Bu günlərdə iqtisadi, humanitar və mədəniyyət sahələrində kompleks tədbirlərin keçirilməsi planlaşdırılır. RF subyektləri arasında Moskva aparıcı tərəfdaşdır və Rusiyanın əmtəə dövriyəsinin üçüncü hissəsi Moskvaya məxsusdur. Rusiyanın Azərbaycandakı ticarət nümayəndəsi Yuri Şedrin bildirib ki, bununla əlaqədar olaraq, gündəlikdəki məsələlərdən biri ticari-iqtisadi əlaqələrlə bağlı vəziyyətin qiymətləndirilməsidir. 2006-cı ilin yekunlarına əsasən, Moskva və Azərbaycan arasında xarici ticarət dövriyyəsi 465 mln. dollardır.

Şedrinin sözlərinə görə, hazırda Azərbaycan və Moskva ekspertləri komissiyanın iclasının protokol layihəsini hazırlayır və müzakirə olunacaq məsələlərin gündəliyi müzakirə olunur.

Moskva Azərbaycandan daha çox meyvə-tərəvəz məhsullarının tədarükünə maraq gösərir və görüş zamanı maneəsiz tədarük üçün şəraitin yaradılması müzakirə olunacaq.

Azərbaycan tərəfdən hökumətlərarası komissiyaya Baş nazirin birinci müavini Yaqub Eyyubov rəhbərlik edir.

Xəbər lenti

Xəbər lenti