Azərbaycan, Gəncə / Trend , müxbir V.Məmmədov/ Gəncə Vergilər İdarəsinin vergi ödəyicilərinə nəzarət şöbəsinin rəisi Azər Məmmədovun verdiyi məlumata görə, ilin əvvəlindən Gəncədə 344 obyektdə vergi yoxlamaları aparılıb. Obyekt sahiblərinə 121 min 200 manat məbləğində müxtəlif sanksiyalar tətbiq olunub. Onun sözlərinə görə, vergi orqanlarında uçota durmadan fəaliyyət göstərən 15 şəxs aşkar olunub ki, onlara 4 min 40 manat sanksiya tətbiq olunub.
Nəqliyyat sahəsində fərqlənmə nişanı olmadan sərnişin və yükdaşımaları həyata keçirdiklərinə görə, 38 sürücü 1500 manat məbləğində cərimələnib. Məmmədov 20 halda xarici valyuta ilə, 17 halda ictimai yerlərdə alqı-satqı ilə bağlı olaraq , ümumən, 1400 manat məbləğində cərimələndiklərini bildirib.
Şöbə rəisi bu ilin ilk doqquz ayı ərzində əmək müqaviləsinin bağlanılmaması ilə əlaqədar 73, xüsusi razılıq olmadan fəaliyyətin həyata keçirilməsi ilə bağlı 160 hal aşkarlandığını da vurğulayıb.
