Azərbaycan, Bakı / Trend / Azərbaycanın Dövlət Statistika Komitəsinin məlumatına görə, cari ilin yanvar-oktyabr aylarında Azərbaycanda dənli bitkilərin istehsalı ötən illə müqayisədə 74 min ton azalaraq 2003,9 min ton təşkil edib.
Lakin bu il dənli bitkilərin yığımı 2 mln. ton səviyyəsində qəbul olunan proqnoz göstəricidən çoxdur. Dənli bitkilərin yığımı demək olar ki, başa çatıb.
Ötən illə müqayisədə bir hektar üçün orta məhsuldarlıq 27,1 sentnerə qədər artıb.
Dənli bitkilərin ümumi əkin sahəsi bu il əlverişsiz hava şəraiti ilə əlaqədar olaraq 44 min hektar azalaraq 740 min hektar təşkil edib.
2006-cı ildə Azərbaycanda dənli bitkilərin istehsalı 2,7 mln. ton, tələbat isə 3 mln. ton təşkil edib. Taxıla olan ehtiyacın ödənilməyən hissəsi idxal hesabına ödənilir.
