Azərbaycan, Bakı, / " , müxbir İ. Xəlilova/ iqtisadi inkişaf naziri Heydər Babayev məişət tullantılarının emalı sahəsində Azərbaycanın Macarıstan şirkətləri ilə əməkdaşlıq imkanlarını nəzərdən keçirməyə hazır olduğunu bildirib. Bu barədə nazir Macarısıtanın iqtisadiyyat və nəqliyyat naziri Yanoş Koka ilə görüşündə məlumat verib.
Babayevin sözlərinə görə, bu sahədə artıq Koreya şirkəti ilə razılıq əldə olunub. Fransa və Avstriya şirkətləri ilə də bu sahədə danışıqlar aparılır. Nazir hesab edir ki, qeyri-neft sektorunun müxləlif sahələrində, xüsusilə də, energetika, əczaçılıq sahələrində, neft-kimya və qida sənayesi sahələrində əməkdaşldıq üçün real imkanlar var.
Macarıstanlı nazir iqtisadi əlaqələrin genişləndirilməsinə hazır olduğunu bildirib. Bu sahədə biznes-forumların rolu xüsusilə böyükdür. 2005-ci ildə Fondun təşkilatçılığı ilə Macarıstanın paytaxtı Budapeştdə AZPROMO tərəfindən təşkil olunan ilk Azərbaycan-Macarıstan biznes-forumu keçirilib.
2006-cı ildə Azərbaycan və Macarıstan arasında ticarət dövriyyəsinin həcmi 10,4 milyon, bu ilin 9 ayı ərzində isə, 9, 3 milyon ABŞ dolları təşkil edib.