Azərbaycan, Bakı / Trend , müxbir Ü.İsmayılova/ Azərbaycanın Vergilər naziri Fazil Məmmədovun bazar ertəsi verdiyi məlumata görə, Azərbaycanın Vergilər Nazirliyi 2008-ci ildən ölkənin tikinti sektorunun iştirakçılarının vergilərin ödənilməsinə cəlb edilməsi ilə bağlı tədbirləri gücləndirmək niyyətindədir.
"Tikinti sektorunda vergi yığımlarının səviyyəsi, işlərin həcmi ilə müqayisədə, kifayət deyil" - nazir bildirib.
Nazirin sözlərinə görə, tikinti sektorunda vergilərin yığımı ilə bağlı tədbirlərin gücləndirilməsi 2008-ci il yanvarı 1-dən başlayacaq.
Azərbaycanın Nazirlər Kabineti noyabr ayında "Şəhər və rayon əraziləri üzrə mənzil-tikinti ilə məşğul olan şəxslər üçün sadələşdirilmiş vergilərin əmsalları"nı təsdiq edib.
Azərbaycan prezidenti İlham Əliyev doqquz ay ərzində ölkənin sosial-iqtisadi inkişafının yekunlarına və qarşıdakı məqsədlərə həsr olunmuş iclasında bildirib ki, ölkənin tikinti sektoru üzərində nəzarətin gücləndirilməsi sürətləndirilməlidir.