Qazaxıstan, Astana, 31 yanvar / Trend , müxbir K.Konırova / "Air Astana" avia- şirkəti Bakı-Aktau-Astana və Bakı-Atırau-Astana marşrutu üzrə yeni müntəzəm reyslər açmaq niyyətindədir,- cümə axşamı Astanada "Air Astana" şirkətinin prezidenti Piter Foster Trend ın xüsusi müxbirinə bilidrib.
" Biz ticari işləri fəallaşdırmaqda maraqlıyıq", - Foster deyib. Onun sözlərinə görə, Bakıya müntəzəm reyslərin açılışı 2008-ci ilin sonuna gözlənilir.
Bu istiqamətdə uçuşlarda, şirkət "Fokker-50" təyyarələrindən iştifadə edəcək.
"Fokker-50" - Nin sərnişindaşıma həcmi 50 nəfərdir. "Air Astana" aviaşirkətinin "Fokker-50" təyyarələri Qazaxıstan ərazisində daxili reysləri yerinə yetirərək, Astana və Almata şəhərlərini, o cümlədən "Air Astana" nın beynəlxalq və daxili magistral şəbəkələrini birləşdirir.
"Air Astana" Qazaxıstan hökumətinin və "BAE Systems" şirkətinin, müvafiq olaraq, 51 faiz və 49 faiz iştirakçı payı ilə birgə müəssisəsidir.
