Azərbaycan, Bakı, 04 fevral/ " müxbir İ.Xəlilova/ Dünya Bankı Azərbaycanın korporativ və dövlət sektorlarında hesabatlılıq layihəsinin (CAPSAP) qiymətləndirilməsini başa çatdırıb. Layihənin reallaşdırılmasına $25 mln. ayrılacaq. Bu barədə bazar ertəsi bankın Bakı nümayəndəliyindən məlumat veriblər.
Bank bu layihə üçün Beynəlxalq İnkişaf Assosiasiyası xətti ilə (10 ili güzəştli olmaqla, 35 illik və 0,75 illik faiz dərəcəsi ilə) $11 mln. məbləğində kredit təqdim edəcək. Layihənin qalan hissəsinin Yaponiyanın PHRD Fondunun, İsveçrənin iqtisadi əməkdaşlıq üzrə Dövlət Katibliyi (Seco) və Avropa İttifaqının qrantları, həmçinin, hökumət payı hesabına maliyyələşdirilməsi nəzərədə tutulur.
Hökumətdən layihənin kredit müqaviləsi üzrə danışıqlarının fevralın sonunda başlayacağını qeyd ediblər.
Layihəyə üç komponent daxildir. Birinci komponent çərçivəsində, korporativ sektorda mühasibət uçotunda islahatlar, o cümlədən, ictimai əhəmiyyətli təşkilatlarda Beynəlxalq Maliyyə Hesabatlılığı Standartlarının (BMHS) tətbiqi, Audit haqqında yeni Qanunun hazırlanmasına və qəbuluna, Auditorlar Palatasının inkişafı və islahatlar aparılmasına yardım nəzərdə tutulur. İkinci komponent dövlət sektorunda mühasibat uçotu sistemininin dəyişdirilməsinin güman edir.
Üçüncü komponentdə Araşdırmalar Mərkəzinin, Azərbaycanda mühasibatın təhsil və peşə tədrisinin yaradılması, BMHS-nin tərcüməsi, mühasibat uçotunun milli standartlarının hazırlanması, BMHS -ə keçid üzrə proqramların dəstəklənməsi, mühasib və auditorların yeni alətlərlə təminatı, treninqlərin keçirilməsi üzrə xüsusi proqramların dəstəklənməsi nəzərdə tutulur.
Hökumət, BMHS -in tətbiqi qrafiki qoyulduğu üçün, layihənin reallaşdırılmasının sürətləndirilməsində maraqlıdır. Belə ki, o, beynəlxalq standartlar üzrə hesabatlılığın hazırlıq müddətini 2008-ci ilin mayınadək uzatmağa məcbur olub. "Mühasibat uçotu haqqında" yeni Qanuna müvafiq olaraq, 2007-ci ilin sonunadək kommersiya təşkilatlarında milli mühasibat uçotu standartlarının tətbiqi başa çatmalıydı. Büdcə və qeyri-hökumət təşkilatları bu prosesi 2008-ci ilin sonunadək başa çatdırmalıdırlar.
