Azərbaycan, Bakı, 11 fevral/ " , müxbir İ.Xəlilova, A.İsmayılova/ Azərbaycan Milli Bankı (AMB) sərəncamında olan rəsmi valyuta ehtiyatlarının idarə edilməsi üçün yeni əcnəbi menecerlərin cəlb edilməsi üzrə danışıqlara başlayıb. Bu barədə bazar ertəsi Milli Bankın İdarə Heyətinin sədri Elman Rüstəmov məlumat verib.
O, ölkənin valyuta ehtiyatlarının artması ilə əlaqədar onların idarə edilmə forması və səmərəliliyinə tələblərin artdığını hesab edir. Onun sözlərinə görə, ehtiyatların idarə edilməsinə əsas tələblər təhlükəsizlik, likvidlik, yəni iqtisadiyyatın inkişafını nəzərə almaqla onların lazımi səviyyədə saxlanılması və gəlirlilikdir.
"Biz ötən il bu üç faktoru nəzərə almaqla valyuta ehtiyatlarından investisiya yatırmaq üçün və əməliyyat məqsədlərində istifadə etmişik. Dünya proseslərini nəzərə almaqla valyuta ehtiyatları strukturunu divesifikasiya etmişik və menecerlərin siyahısının genişləndirilməsi üzrə işləyirik" - Rüstəmov bildirib.
Hazırda Dünya Bankının xəzinədarlığı üç illik məsləhətləşmə və ehtiyatların idarə edilməsi proqramı (RAMP) çərçivəsində Milli Banka aktivlərin idarə edilməsində potensialın artırılmasında texniki yardım göstərir. Milli Bank iki istiqamətdə - əcnəbi menecerlərin qiymətləndirilməsi və görüşlər keçirilir, həmçinin dünya maliyyə bazarlarında AMB-nin qiymətli kağızlarla həyata keçirdiyi əməliyyatların potensialının artırılması istiqamətində iş aparılır.
AMB rəhbərinin əvvəllər bildirdiyinə görə, əcnəbi idarəetməyə $200 mln. verilə bilər və ümumilikdə portfelin $0,5 mlrd.a çatdırılması real olardı.
Bu gün üç menecerin - Dünya Bankı xəzinədarlığı, İsveçrənin UBS və Amerikanın JP Morgan bankının idarəsində $270 mln. var. Vəsaitlərin idarə edilməsinin səmərəsizliyinə görə Milli Bank Hollandiyanın ABN Amro bankı ilə müqaviləni pozub və onun idarəsində olan vəsaitləri UBS-ə verib. DB-nin sərəncamında $110 mln., UBS-da $105 mln., JP Morgan-da $55 mln. var.
Fevralın 1-i üçün olan vəziyyətə görə, AMB-nin valyuta ehtiyatları $3923,6 mln. təşkil edir.
Məqalə müəllifi ilə [email protected] ünvanı ilə əlaqə saxlamaq olar.
