Azərbaycan, Bakı, 14 fevral/ Trend , müxbir İ.Xəlilova/ Avropa Yenidənqurma və İnkişaf Bankı (AYİB) və Avropa İnvestisiya Bankı (AİB) Azərbaycan hökumətinə ölkədə nəqliyyat layihələrinin maliyyələşdirilməsi üçün $500 mln. ayrılması üzrə təkliflər təqdim edib. Bu barədə cümə axşamı Azərbaycanın Nəqliyyat Nazirliyindən məlumat veriblər.
Maliyyə institutlarının təkliflərində maliyyələşdirilmənin istiqaməti genişləndirilibib və indi onlar dəmir yolu təsərrüfatının təkmilləşdirilməsindən əlavə, avtomobil yollarının yeniudən qurulmasına da vəsait yönəltməyə hazırdırlar. Bu yaxınlarda Bakıda olan missiya şəhər yollarının bərpası və Bakıdan Samuradək avtomagistralın, Xaçmazdan Rusiya sərhəddinədək hissəsinin yenidənqurulmasını maliyyələşdirməyi də təklif edib.
Dəmir yolu təsərrüfatı ilə onlar istənilən işləri maliyyələşdirməyə hazırdırlar.
"Bu istiqamətlərdən hər biri üzrə maliyyələşdirmənin həcmi hələlik konkretləşdirilməyib. Onların hökumətin müzakirəsinə çıxarılan təklifləri qəbul edildiyi halda, bu məsələ AYİB və AİB ilə müzakirə ediləcək", - nazirlikdəki mənbə bildirib.
Onlar ümumləşdirilmiş kredit ayırırlar ki, bu da maliyyələşdirmənin şərtlərini asanlaşdırmağa imkan verir. AİB-in şərtlərinə əsasən, kreditlər libor+0,5 faiz, Avropa Bankında isə libor+1 dərəcə üzrə təqdim edilir.
AİB ilə bu, ilk layihə olacaq. Belə ki, bu il o, Azərbaycan hökuməti ilə bankın ölkədəki əməliyyatlarını nizamlayan çərçivə sazişi imzalamağa hazırlaşır. Sazişdə Azərbaycanın bank qarşısındakı öhdəlikləri, banka ölkədə təqdim ediləcək rejim (diplomatik, vergi) müəyyən ediləcək.
AİB layihələri Avropa Qonşuluq Siyasəti çərçivəsində, Avropa İttifaqının vəsaitləri hesabına maliyyələşdirəcək. Buna görə də, iki-üç və daha çox ölkəni birləşdirən regional xarakterli layihələrə üstünlük veriləcək.
AYİB və AİB Rusiya, Ukrayna, Moldova, Cənubi Qafqaz və Mərkəzi Asiya dövlətlərini birgə maliyyəşdirməyə hazır olduqlarını bildiriblər. Aİ Şurası 2013-cü ilədək birgə maliyyələşdirmə çərçivəsində 3,7 mlrd. avro və ya ildə 500 mln. avro yönətlməyə hazırdır.
Məqalə müəllifinin ünvanı: [email protected]