Azərbacan, Bakı, 21 fevral / Trend , müxbir İ.Xəlilova / "Societe Generale" Fransa korporativ və investisiya bankı gələcəkdə Azərbaycan iqtisadiyyatına öz investisiyalarını artırmağı planlaşdırır və 2008-ci ildə $300-500 mln. yatırılması nəzərdə tutulur - cümə axşamı bankın Azərbaycanda regional nümayəndəsi Teybə Quliyeva deyib.
"Societe Generale" Azərbaycan, Gürcüstan və Türkmənistanı əhatə edən öz regional nümayəndəliyi vasitəsilə 1998-ci ildən Azərbaycanda fəaliyyətini həyata keçirir.
"Ölkədə iqtisadiyyatın inkişafı ilə hər bir əcnəbi bank kimi, "Societe Generale"ın da Azərbaycanda böyük layihələrdə iştirak etmək marağı artıb. Bizim bank iqtisadiyyatın dövlət və özəl sektorunda iştirakına limit qoymur" - Quliyeva qeyd edib.
Bank sektoruna investisiya yatırmaq müxtəlif alətlərlə - sindikatlaşdırılmış kreditləşmə qismində, ticarət, layihə, ixrac maliyyələşməsi vasitəsilə ola bilər. Bankın Azərbaycan layihələrinə ümumi yatırımı, ödəmələri başa çatmış tamamlanan layihələri hesaba almamaqla, təxminən $300-400 mln. təşkil edir.
Bank Azərbaycanda həyata keçirilən bir sıra əsas strateji layihələrdə uğurla iştirak edib. Onların arasında "Azəri-Çıraq-Günəşli" yatağının tammiqyaslı işlənməsi, "Societe Generale"ın səlahiyyətli aparıcı təşkilatçısı qismində çıxış edən Bakı-Tbilisi-Ceyhan marşrutu üzrə boru kəmərinin tikintisi layihələrini qeyd etmək olar. "Şahdəniz" qaz yatağının işlənməsi layihəsində və Sumqayıtda 570 mVt elektrik stansiyasının tikintisində "Societe Generale" birgə aparıcı təşkilatçı qismində çıxış edib.
"Societe Generale"ın iri yatırımı hələ ki, yalnız BTC layihəsidir. Bu layihədə onun iştirakı $750 mln. ümumi kredit həcmində $65 mln. təşkil edib.
Müəlliflə əlaqə saxlamaq üçün elektron ünvan - [email protected]
