Azərbaycan, Bakı, 25 fevral/ " müxbir İ.Xəlilova/Azərbaycanın Maliyyə Nazirliyi əlavə dəyər vergisindən daxilolmaların mərkəzləşdirilmiş qaydada toplanması sisteminin tətbiqinin səmərəli olduğunu təsdiqləyir. Belə ki, bu sistemdən istifadənin birinci ayı ərzində ƏDV-dən dövlət büdcəsinə ödəmələr 2007-ci ilin analoji dövrü ilə müqayisədə 60-70 faiz artıb. Bu barədə maliyyə nazirinin müavini Azər Bayramov məlumat verib. [2008-ci il yanvarın 1-dən ƏDV ölkənin Dövlət Xəzinədarlığında vahid depozit hesabında toplanır].
Yanvarda Vergilər Nazirliyi xətti üzrə ƏDV-dən daxilolmalar vergi yığımlarından ümumi daxil olmalar 764,466 mln. manat olmaqla,50,751 mln. manat təşkil edib.
"Düzdür, ilin birinci ayı göstərici dövr deyil və xırdalıqlara qədər analiz üçün daha geniş əhatə tələb olunur. Buna görə, vəziyyəti analiz edərək, növbəti ildən etibarən ƏDV dərəcəsinin azaldılmasının mümkünlüyü haqqında danışmaq olar", - Bayramov bildirib.
Maliyyə naziri Fazil Məmmədovun sözlərinə görə, 2009-cı ildə bu verginin dərəcəsinin azaldılması bu sistemin effektliliyindən asılıdır.
"Biz birinci rübün nəticələrini analiz edəcəyik və mexanizm effektli olduğu halda, növbəti ildən ƏDV dərəcəsinin 1 faiz azaldılması təklif olunacaq. Lakin sonrakı illərdə bu məsələyə yenidən baxılacaq", - Məmmədov qeyd edib.
Bu gün Azərbaycanda ƏDV dərəcəsi 18 faiz təşkil edir.
Aparılan araşdırmalara görə, Azərbaycan iqtisadiyyatına bu günkü vergi iqliminə görə, ƏDV üçün optimal dərəcə 14-15 faiz təşkil edir.