Azərbaycan, Bakı, 11 mart / Trend , müxbir Ü.İsmayılova / Fevral ayında Bakı ilkin daşınmaz əmlak bazarında bir kvadrat metrin qiyməti 2,8 faiz 1057 dollara qədər artıb. Bu barədə çərşənbə axşamı "Daşınmaz Əmlak Bazarı İştirakçıları" İctimai Birliyinin məlumatında deyilir.
Fevral ayında ilkin bazarın potrfelində ixtisarlar müşahidə olunub. Bəzi obyektlərin tikintisi məhdud xarakter daşıyıb. Bu da yeni tikililərə olan tələbatın azalmasından irəli gəlir.
Bakıda yeni tikililərə olan tələbatın azalması avqust ayında 16 mərtəbəli binanın uçması və 25 nəfərin həlak olması faktından sonra müşahidə olunub.
Bakı şəhərində tikilən yeni binaların orta mərtəbə göstəricisi 15,2 mənzilin orta sahəsi - 121,8 kvadrat metr,otaqların orta sayı isə 2,6 dir.
Əmək və Əhalinin Sosial Müdafiəsi Nazirliyi nəzdində Əmək Müfəttişliyinin məlumatına görə, Bakıda hazırda 800 dən artıq bina tikilir.
Müəlliflə əlaqə ünvanı: [email protected]
