Azərbaycan, Bakı, 14 aprel / " müxbir Ü.İsmayılova/Azərbaycanın Lizinq Şirkətləri Assosiasiyası cümə günü 2008-ci il üçün büdcə və fəaliyyət planını təsdiq edib. Bu barədə bazar ertəsi Assosiasiyanın sədri Azər Məmmədov bildirib.
Məmmədovun sözlərinə görə, Assosisiyanın 2008-ci il büdcəsi 12,707 min manat həcmində müəyyən olunub. Üzvlük haqqı 2,2 min manat təşkil edir.
Assosisasiyanın cümə günü keçirilmiş iclasında "Joint Leasing" lizinq şirkətinin baş direktoru Elçin Əhmədov Assosiasiyanın idarə heyətinin sədr müavini, hüquqi məsələlər üzrə komissiyasının sədri Anar Kərimov (Joint Leasing), təftiş komissiyasının sədri isə Anar Yadigarov (UniLeasing) seçilib.
İclasda 2008-ci ildə Assosiasiyanın planına daxil olan beynəlxalq konfransların keçirilməsi, 2004-cü ildə Azərbaycanda lizinqin inkişafı layihəsini gerçəkləşdirən Beynəlxal Maliyyə Korporasiyası ilə birgə treninq-seminarların keçirilməsi kimi fəaliyyətlərin aktivləşdirlməsi barədə qərar qəbul olunub.
Məmmədov bildirib ki, 2008-ci il inkişaf planına qanunverici aktın hazırlanması və onun hökumətə təhvil verilməsi üçün Assosiasiyanın iki komitəsi - vergi və hüquqi komitələrin işinin gücləndrilməsi daxildir.
Azərbaycanda lizinq bazarına aid Qanun və nizamlayıcı orqan yoxdur. Bazar Vətəndaş Məcəlləsinin bəndləri ilə nizamlanır.
Məmmədovun sözlərinə görə, cari ildə həll edilməyən məsələlər üzrə dövlət orqanları ilə görüşlər davam etdiriləcək.
Azərbaycanın Lizinq Şirkətləri Assosiasiyası 2004-cü ildə "Ataleasing", "Unileasing", "Muganleasing" şirkətləri tərəfindən təsis edilib.
Müəlliflə əlaqə saxlamaq üçün elektron ünvan: [email protected]